Aksident në rrugën Podujevë – Prishtinë, 4 të lënduar

Të dielën në mbrëmje ka ndodhur një aksident trafiku në rrugën Prishtinë – Podujevë.

Nga ky aksident katër persona janë lënduar në një aksident ku të përfshira kanë qenë tri automjete.

Lajmin e ka konfirmuar Flora Ahmeti, zëdhënëse e Policisë së Kosovës për rajonin e Prishtinës.

Ajo ka treguar se informatën për aksidentin e kanë pranuar në ora 21:00.

“Sot rreth orës 21:00, kemi pranuar informatën për një aksident trafiku rrugor të ndodhur në rrugën Prishtinë -Podujevë. Në aksident janë përfshirë tri automjete, ku katër persona kanë pësuar lëndime trupore.   Njësia rajonale e trafikut po merret me rastin”, ka thënë Ahmeti.