LAJMI I FUNDIT: Humb jetën tragjikisht 58-vjeçari, e zuri traktori me dru

Një ngjarje e rëndë ka ndodhur para rreth dy orësh në Studenqan të Suharekës, ku një 58-vjeçar ka humbur jetën tragjikisht, pasi e zuri traktori me dru, në malet e këtij fshati, raporton Gazeta Sinjali.

I ndjeri kishte shkuar për të prerë dru në mal, por fatkeqësisht aty gjeti vdekjen dhe fillimisht nuk dihej asgjë për fatin e tij.

Posa familja ka kërkuar ndihmën e Policisë, njësitet policore përkatëse kanë intervenuar, me ç’rast e kanë gjetur traktorin të rrokullisur dhe nën të, trupi i pajetë.

Lajmin e ka konfirmuar edhe Policia Rajonale në Prizren, si dhe kanë bërë me dije se vdekjen e viktimës e ka konfirmuar ekipi mjekësor në vendin e ngjarjes.

“Ju informojmë se rreth ores 20:13 policia ka pranuar informatën  se nje qytetar nga fshati studenqan ka shkuar me “golldon” për të prere dru në malet e fshatit Studenqan të Suharekës dhe deri athëherë nuk ishte kthyer në shtepi . Familjaret e kanë kerkuar por nuk e kan gjet, ankuesi ka pritur patrullën e policisë të Stacionit Policor Suhareke dhe së bashku kanë shkuar në kërkim të qytetarit, është informuar  Emergjencena gjithashtu.

Sipas mjekut te Emergjencës, viktima K. B.-58 vjecar nga fshati Studenqan –Suharekë eshte pa shenja jete.

Policia ka dal në vendngjarje dhe është duke u marr me rastin.”, ka njoftuar Policia.