Llapi me rikthim të çmendur – Ishte duke humbur 2-0, fiton 2-3 në fund të ndeshjes

Llapi ka realizuar një fitore mjaft të rëndësishme në rrugën drejt titullit kampion. Skuadra llapjane zhvilloi ndeshjen ndaj Malishevës, në stadiumin e Ballkanit.

Malisheva kaloi në epërsi në pjesën e parë, ndërsa në të dytën thelloi rezultatin në 2-0.

Me disa zëvendësime të bëra, Llapi arriti ta rikthejë rezultatin. Muhamet Hyseni shënoi golin e parë për Llapin.

Ahmet Januzi barazoi rezultatin në minutën e 90, ndërsa në fund të ndeshjes shënoi Muhamet Hyseni dhe Llapi fitoi 3 pikë.

Aktualisht Llapi gjendet në vendin e parë të Superligës së Kosovës.