Bulliqi: Mamografia falas gjatë muajit tetor në QKMF
Kryetari i Podujevës, Shpejtim Bulliqi me anë të një postimi ka bërë të ditur se gjatë muajit tetor mamografia do të jetë falas në Qendrën Kryesore të Mjekësisë Familjare në Podujevë.
“Mamografia do të jetë falas gjatë këtij muaji në Qendrën Kryesore të Mjekësisë Familjare në Podujevë, andaj edhe ftojmë të gjitha gratë posaqërisht ato mbi 40 vjet të shfrytëzojnë mundësinë e kryerjes së mamografisë”, ka shkruar kryetari Bulliqi.
Më poshtë postimi i tij:
Mamografia falas gjatë muajit tetor në QKMF
Muaji Tetor është muaji i ndërgjegjësimit kundër kancerit të gjirit. Mamografia do të jetë falas gjatë këtij muaji në Qendrën Kryesore të Mjekësisë Familjare në Podujevë, andaj edhe ftojmë të gjitha gratë posaqërisht ato mbi 40 vjet të shfrytëzojnë mundësinë e kryerjes së mamografisë.
Krejt çka duhet është një konsultë me mjekun familjar apo specialistë të lëmisë përkatëse që të japin rekomandimin me udhëzim të shkruar si indikacion dhe paraqitjen në shërbimimin e mamografisë në radiologji. Shërbimin mund ta merrni në orarin nga 07:00-13:00.
