E dhimbshme: Ndërron jetë 15 vjeçarja Agnesa Bajrami (FOTO)

Një rast shumë i rëndë ka ndodhur të martën në familjen Bajrami në Novobërdë. 15-vjeçarja, Agnesa Bajrami, u nda nga jeta pas një lufte të vështirë me kancerin.

Lajmin për vdekjen e kanë dhënë familjarët e saj në rrjete sociale, por edhe nga shkolla ku ajo ka vijuar mësimet.

“Lamtumirë nxënësja jonë Agnesa! Lajmi për vdekjen tënde na tronditi të gjithëve, Ishe shembull në çdo aspekt! Allahu të shpërbleftë me xhenet! Ngushëllimet familjes Bajrami, Zoti ua lehtësoftë dhembjen!”, ka shkruar Shehu në Facebook.

“Pikerisht para një viti e nisëm Agnesën me shpresë të madhe që do të gjejë shërim në spitalin e Turqisë. E përballoi intervenimin dhe u kthye te familja e saj, e ne luteshim shumë që Agnesa të na shërohet sa më shpejt. Por sot, sot qenka nda nga kjo jetë. Ajo na bëri të qajmë të gjithëve sepse shkoi ende pa i mbushë 16 vjet. Familja, shokët e saj të shkollës dhe gjithë ne kem dhimbje të madhe. Me këtë rast shpreh ngushëllimet më të sinqerta familjes Bajrami, e shpirti i bardhë i saj bëftë dritë në xhenet!”, ka shkruar Ymeri

Lamtumira e fundit do t’i jepet nesër, pas namazit të drekës në varrezat e fshatit Kaznic.