Nga java e ardhshme në shkollat e Kosovës do të fillojë ‘Ora e Kodimit’

Nga java e ardhshme në shkollat e Kosovës do të fillojë implementimi i ‘Orës së Kodimit.

Kështu ka njoftuar ministrja e Arsimit, Arbërie Nagavci.

Më poshtë postimi i saj:

Nga java e ardhshme në shkollat tona do të fillojë të implementohet iniciativa globale e quajtur Ora e Kodimit.

Nxënësit do të pergatiten e nxiten drejt mësimit të kodimit. Gjatë javës së Orës së Kodimit, shkollat dhe qendrat partnere do të organizojnë kurse të kodimit, projekte, prezantime e sesione informuese rreth kodimit, inteligjencës artificiale e shkencave kompjuterike.

Me ftesë të CODE.org po marr pjesë në Konferencën CSEdCon në Las Vegas, në mes të më shumë se 400 pjesëmarrësve të tjerë nga e gjithë bota.

Me partnerë e bashkëpuntorë ndërkombëtar, do të diskutojmë dhe eksplorojmë bashkëpunimin për edukimin e gjeneratave të ardhshme që të fokusohen dhe të motivohen për të studiuar shkencat kompjuterike.