LAJMI I FUNDIT: Ky është 29-vjeçari që humbi jetën tragjikisht (FOTO)
Gazeta Sinjali raportoi sot për një ngjarje të rëndë që është shënuar mëngjesin e sotëm në lagjen Emshir në Prishtinë, ku një 29-vjeçar është gjetur pa shenja jete në afërsi të një objekti banesor. I riu u gjet i shtrirë në rrugë pa shenje jete dhe sipas informacioneve të para dyshohet se ka bërë vetëvrasje.
Burimet brenda Emergjencës kanë bërë me dije se i riu që humbi jetën tragjikisht është Qendrim Breca.
Vdekjen e tij e ka konstatuar ekipi mjekësor pasi viktima u dërgua në QKUK, ku fatkeqësisht nuk arriti të mbijetojë.
Rastin e ka konfirmuar edhe zëdhënësja e policisë për rajonin e Prishtinës, Flora Ahmeti, e cila ka bërë të ditur se tashmë kanë nisur hetimet për zbardhjen e rrethanave të rastit.
“Rreth orës 10:00, kemi pranuar informatën për një person të lënduar (shtrirë në rrugë), në lagjen Emshir në Prishtinë. Policia menjëherë ka dalë në vendin e ngjarjes si dhe mjekët emergjent të cilët e kanë dërguar për tretman mjekësor në QKUK, ku rreth orës 11:00, kanë konstatuar vdekjen e viktimës, mashkull , 29 vjeç”.
“Policia në koordinim me prokurorin e shtetit ka nisur një hetim mbi vdekjen si dhe po vazhdon me ndërmarrjen e të gjitha veprimeve hetimore dhe të ekzaminimit, që do të ndihmonin hetimin e ngjarjes si dhe sqarimin e plotë të rastit”, u shpreh ajo për Sinjalin.
