LAJMI I FUNDIT: Goditet për vdekje këmbësori

Një aksident i rëndë me fatalitet ka ndodhur sot në rrugën nacionale Mitrovicë – Prishtinë.

Ngjarja e rëndë ka ndodhur në fshatin Maxhunaj ku një kamion dyshohet se ka goditur për vdekje këmbësorin 56 vjeçar.

Kamioni i cili ka shkaktuar aksidentin ka ikur nga vendi i ngjarjes.

Rastin për Paparaci.com e ka konfirmuar edhe Avni Zahiti nga policia e Kosovës.

Njësitet përkatëse policore kanë dalë në vendngjarje dhe po zhvillojnë hetimet për aksidentin. /Paparaci.com/