Rrahje në shesh, 5 të arrestuar
Një përleshje mes disa personave ka ndodhur sot në mesditë në sheshin “Nëna Terezë” në Prishtinë. Për pasojë, tre persona kanë pësuar lëndime trupore, raporton Gazeta Sinjali.
Lajmin ka konfirmuar zëdhënësi i Policisë së Kosovës për rajonin e Prishtinës, Agron Borovci, i cili tha se pesë persona janë shoqëruar për në stacion policor.
“Rreth orës 12:30 është pranuar informata për një rrahje në mes të disa personave, të ndodhur në sheshin “Nëna Terezë” në Prishtinë. Policia ka dalë në vendin e ngjarjes, ka ndërmarrë veprimet e nevojshme dhe ka shoqëruar në stacionin policor pesë persona”, ka thënë ai.
