Në zonën 50km/h voziti 104km/h, gjobitet 300 euro shoferi

Policët e Njësisë së Komunikacionit Rrugor ka shqiptuar gjobë trafiku ndaj një 39 vjeçari në Ferizaj.

I njëjti në zonën 50km kishte vozitur në shpejtësi prej 104km/h.

Po ashtu edhe vetura ishte me afat të skaduar prej shtatorit të vitit të kaluar.

“Me datën 16.01.2024 rreth orës 09:24 në rrugën ” Driton Islami” në Ferizaj ka ndaluar shoferin J.R (M/K) i moshës 39 vjeçar, i cili ka bërë tejkalimin e shpejtësisë, ku në zonën e kufizimit 50 km/h ka zhvilluar shpejtësi 104 km/h, Ndërsa veturës i kishte skaduar regjistrimi që nga data 23.09.2023″- shkruan në njoftimin zyrtar.

Ndaj tij, policia i shqiptoi një gjobë për kundërvajtje, 300 euro, 3 pikë negative dhe 6 muaj masë mbrojtëse, heqje e patent shoferit.

Me këtë rast, Drejtoria Rajonale e Policisë në Ferizaj ka apeluar tek shoferët e automjeteve që të respektojnë shenjat e komunikacionit.