Polici godet 9 vjeçaren me veturë, ajo dërgohet në gjendje të rëndë në spital
Mosrespektimi i rregullave në komunikacion pothuajse çdo ditë po shkakton dhjetëra aksidente trafiku me lëndime. Jo rrallëherë këto raste po përfundojnë me lëndime të rënda, apo edhe me fatalitet, raporton Gazeta Sinjali.
Shpeshherë në të tilla aksidente përfshihen edhe zyrtarët policorë, ashtu siç ka ndodhur dje pasdite në rrugën ‘Hasan Prishtina’ në Obiliq.
Sinjali mëson se një zyrtar policor ka goditur me veturë një vajzë 9-vjeçare.
E mitura ka mbetur e lënduar rëndë si pasojë e aksidentit dhe e njëjta është dërguar me urgjencë në spital për tretman mjekësor.
Ndërkohë shoferi që dyshohet se ka shkaktuar aksidentin, është arrestuar dhe me vendim të Prokurorit të Shtetit është ndaluar për 48 orë.
