Spekulimet për largim nga Arsenali, deklarohet Arteta
Trajneri i Arsenalit, Mikel Arteta ka hedhur poshtë raportimet për një largim të mundshëm nga klubi londinez.
Gjatë ditës së djeshme, gazeta spanjolle ‘Sport’ raportoi se Mikel Arteta ia ka kumtuar të afërme të tij se do të largohet nga Arsenali në fund të këtij sezoni.
Tekniku spanjoll i quajti këto pretendime totalisht të rreme.
“Është një lajm krejtësisht i rremë. Nuk e di nga vjen. Është totalisht e pavërtetë. Jam vërtet i mërzitur për këtë. Nuk mund ta besoja”, ka deklaruar ai.
Tutje ai tha se ka ende punë për të bërë me Arsenalin.
“Jam i zhytur në një udhëtim të bukur me këtë klub dhe ka ende shumë për të bërë”, ka deklaruar Arteta.
