LAJMI I FUNDIT: Gjendet pa shenja jete një 28-vjeçar
![](https://podujevasot.net/wp-content/uploads/2023/02/policia.png)
Një ngjarje e rëndë ka ndodhur në qytetin e Gjilanit, ku një person është gjetur pa shenja jete në shtëpinë e tij në rrugën ‘Sadete Mekuli’, raporton Gazeta Sinjali.
Burimet e Gazetës Sinjali kanë bërë me dije se mbrëmjen e sotme kanë pranuar thirrje nga një person, i cili ka pohuar se djali i tij është mbyllur në dhomën e tij dhe nuk është lajmëruar në thirrjet e babait.
Ekipi mjekësor i Emergjencës bashkë me njësitë policore kanë dalë në vendin e ngjarjes, ku pasi kanë hapur derën e dhomës ku ndodhej viktima, e kanë gjetur atë pa ndjenja.
Sinjali mëson se viktima është 28-vjeçar, teksa nuk dihen ende shkaqet e vdekjes së tij.
Me urdhër të prokurorit, trupi i pajetë i viktimës është dërguar në Institutin e Mjekësisë Ligjore për obduksion, ndërsa rasti është cilësuar ‘Hetim i vdekjes’.