Qysh si fëmijë ishte gjithmonë pas Llapit.
Në ditë të bukura, e të hidhura, ai ishte gjithmonë afër klubit të zemrës.
Stadiumi “Zahir Pajaziti” është vendi i tij i preferuar.
Real Sejdiu është ekonomi i KF Llapit, dhe njëkohësisht djaloshi më i dashur te ekipi nga Podujeva.
“Me Llapin jam qysh si fëmijë. I kam ndihmu klubin çka kanë pasë nevojë, pastaj klubi më ka afru. Me staf dhe lojtar i kemi punët shumë mirë. Kalojmë shumë bukur, me trajnerët”.
Ai tha se ka marrdhënie fenomenale me trajnerin Tahir Batatina dhe shpalosi kujtimin më të bukur.
“Me trajnerin Tahir Batatina shkoj shumë mirë. Në stërvitje, në stadium. Asnjë problem se kam pasur kurrë me të. Kujtimi më i mirë me Llapin është fitimi i kupës”.
Sejdiu shpreson që Llapi ta mbyllë këtë sezon në vendin e parë të Superligës.
“Shpresoj që ta mbyllim sezonin në vendin e parë dhe të shpallemi kampion”.
Reali e vazhdoi punën e tij të zakonshme edhe prapa kamerës së RTV Dukagjinit.
Nga bardhëkaltërit nuk e mendon të largohet ndonjëherë.
