Premier League nuk do të transmetohet në Kosovë përmes kanaleve serbe Arena Sport
Ditët e fundit kanë qarkulluar lajme që platformat kosovare do të fillojnë transmetimin e ligës angleze të futbollit, Premier League, përmes kanaleve serbe të Arena Sport.
Digitalb me anë të një postimi ka bërë të ditur se ArtMotion dhe platformat tjera kosovare nuk mund ta transmetojnë Premier League përmes kanaleve Arena Sport, kjo pasi The Football Association Premier League Limited” (Premier League) ka njoftuar KPM që shoqëria Artmotion dhe platforma të tjera televizive në Kosovë nuk mund të transmetojnë Premier League përmes kanaleve “Arena Sport”.
Gjithashtu Digitalb kanë njoftuar që janë të gatshëm të ofrojnë bashkëpunim me të gjitha platformat kosovare.
Më poshtë postimi i Digitalb:
DEKLARATË!
Duke marrë shkas nga raportimi i KPM në Komisionin Parlamentar të Medias, që po zhvillohet sot në Prishtinë, jemi të detyruar të përgënjeshtrojmë dhe sqarojmë institucionet dhe opinionin publik në Kosovë si më poshtë:
Përmes shkresash dhe komunikimesh të shumta, “The Football Association Premier League Limited” (Premier League), ka njoftuar KPM që shoqëria Artmotion dhe platforma të tjera televizive në Kosovë nuk mund të transmetojnë Premier League përmes kanaleve “Arena Sport”. Kjo e konfirmuar edhe nga shkresa finale e datës 19 Tetor 2023, që Premier League i ka paraqitur KPM.
Në këto kushte përgënjeshtrojmë çdo deklaratë ku përmendet se Premier League mund të transmetohet permes kanaleve “Arena Sport” përmes platformave Artmotion, Kujtesa, Telkos etj.
Gjithashtu, DigitAlb rikonfirmon që është i hapur kundrejt të gjithe platformave televizive të Kosovës për bashkëpunim për distribucionin e kanaleve, duke përfshirë kështu edhe Premier League.
Ftojmë institucionet të zbatojnë me rigorozitet ligjin sipas komunikimeve që vetë kanë patur me “The Football Association Premier League Limited”, si organizmi i vetëm në botë, që menaxhon të drejtat e transmetimit të Premier League.
