Reali merr lajmin e hidhur, mësohet sa javë do të mungojë Bellingham

Jude Bellingham do të jetë jashtë fushave të blerta deri në tre javë, për shkak të një lëndimi që pësoi në fitoren e Real Madridit ndajt Gironas me shifrat 4-0.

Bellingham është diagnostikuar me një ndrydhje të shkallës së lartë në kyçin e këmbës së majtë dhe ai do të humbasë ndeshjet e ardhshme.

Stafi mjekësor i Real Madridit pret që Bellingham do të jetë jashtë për 2-3 javë, duke shpresuar për rikthimin e tij ndaj Leipzig më 7 mars, në kuadër të Ligës së Kampionëve.

Përndryshe, mesfushori anglez realizoi dy gola të bukur në këtë takim, duke arritur në shifrën e 20 golave në total në të gjitha garat.