Basketbollisti i Partizanit të Beogradit nuk luan ndaj Kosovës

Basketbollisti i Partizanit të Beogradit, Zack Ledej nuk do të luajë për kombëtaren e Azerbajxhanit kundër Kosovës, në kuadër të parakualifikimeve për Kampionatin Botëror.

Ky vendim sipas mediave serbe është marrë nga klubi  i Partizanit, shkruan mondo.rs, transmeton Klankosova.tv.

Kështu, pa ndihmën e tij, skuadra e Azerbajxhanit do të duhet të vazhdojë parakualifikimet për Botërorin.

Në ndeshjen e parë të fazës së grupeve, Azerbajxhani humbi nga Zvicra (72:53), ndërsa Ledje ishte lojtari më efektiv në këtë ndeshje me 22 pikë, 6 kërcime dhe 3 asistime.

Në ndeshjen e radhës, të shtunën, azerbajxhanasit mirëpresin Dardanët, që në ndeshjen e parë në Prishtinë triumfuan ndaj Irlandës me shifrat 83-76.