Gaxherri: Kosova është e rrezikuar nga Albin Kurti, LDK-ja është rritur mbi 100%
Deputetja e LDK-së, Besa Gaxheri lidhur me situaten aktuale të politikës në Kosovë ka thënë se “Kosova është e rrezikuar nga qeveria dhe keqqeverisja”.
Kështu u shpreh ajo në emisionin “Personale” në Televizionin Dukagjini.
“Kosova është e rrezikuar nga qeveria dhe keqqeverisja, dhe nga paaftësia për të pasur rolin e saj diplomatik në vendin ku duhet dhe si duhet. Fatkeqësisht me historinë e saj, ku me disa dekata e kemi kundërshtuar okupatorin serb me qenë Republikë, nuk ka qenë më keq sesa që është sot që i ka,. Kosova me politikën e saj dhe qeverinë e saj i ka mbyllur vetës shumë dyer dhe ka ardhur në një cak për të ardhur deri të prishja e miqësisë e të shenjta. Esenciale për vet jetën dhe shtetin tonë. Është e papranueshme, errezikshme dhe ne e kemi dyherë obligim të punojmë ditë e natë që t’a ndryshojmë qeverinë këtë vend dhe Kosovën t’a stabilizojmë aty ku e kemi lënë.
Sipas Gaxherit, LDK-ja në zgjedhjet e fundit ka prekur fundin por që fati i mirë e kuptoj që nga ky rezultat jemi angazhuar dhe po puinohet çdo ditë.
Sa i përket se ku po qëndron partia e saj aktualisht në sistemin politik, Gaxheri ka theksuar se në bazë sondazheve të brendshme “LDK-ja është rritur 100%”.
“Situata në Kosovë thotë se jemi rritur 100% por po punojmë që të dalim në vendin e parë çdo ditë. Jemi shumë mirë në bazë të sondazheve tona”, tha ajo.
