Certifikohen edhe 180 asistentë për fëmijët me nevoja të veçanta
Kryeministri i vendit, Albin Kurti, ka njoftuar për certifikimin e 180 asistentëve për fëmijët me nevoja të veçanta, shkruan Gazeta Sinjali.
Kreu i Qeverisë tha mes tjerash se “të drejtat e personave me nevoja të veçanta – aq më tepër të fëmijëve – meritojnë vëmendje të përhershme dhe kujdes të specializuar institucional dhe shoqëror”, duke u zotuar se si Qeveri do të vazhdojnë mbështetjen e duhur për ta.
Deri tani janë 409 asistentë të kualifikuar, 65 në kualifikim e sipër, 250 asistentë të punësuar, dhe 250 të tjerë që do të punësohen në vijim.
