Petkoviq: S’ka kompromis, nuk arrihet marrëveshje mes Kurtit e Vuçiqit
Shefi i Zyrës së Qeverisë së Serbisë për Kosovën, Petar Petkoviq ka deklaruar se nuk është arritur kompromis ndërmjet Kurtit e Vuçiqit në takimin tre palësh me përfaqësuesin special të BE-së, Josep Borell, raporton Gazeta10.
Petkoviq po ashtu ka njoftuar se presidenti serb, nuk do të deklarohet para mediave pas takimit me Kurtin e Borellin.
“Nuk ka kompromis, nuk ka marrëveshje. Presidenti serb, Vuçiq do t’i drejtohet popullit serb me një fjalim shumë të rëndësishëm, ndër më të rëndësishmit në historinë e popullit serb. Vuçiq sonte do të qëndrojë pak më gjatë në Bruksel sepse ka luftuar për paqe”, tha Petkoviq para gazetarëve.
