Busti i Ibrahim Rugovës do të vendoset në Podujevë

Në Podujevë do të vendoset edhe një bust tjetër. Bëhet fjalë për atë të ish-presidentit të Kosovës, Ibrahim Rugova.

Kështu ka bërë të ditur sot gjatë ditës kryetari i Podujevës, Shpejtim Bulliqi, i cili ka pritur në takim djalin e Ibrahim Rugovës, Ukë Rugovën.

Më poshtë postimi i kryetarit Bulliqi:

Sot prita në takim në zyren time Ukë Rugovën, djalin e ish-Presidentit historik të Kosovës, Ibrahim Rugova.

Ukën e njoftova që sivjet si institucione lokale do ta vendosim shtatoren e ish-Presidentit Rugova në qytetin e Podujevës, për të nderuar kontributin dhe angazhimin e Presidentit Rugova për Kosovën. Procedurat për ndërtimin e shtatores veçse kanë filluar.

Ukën e falënderoj për vizitën dhe librin e dhuruar!