Aksident trafiku, motoçiklisti godet këmbësorin

Një aksident trafiku ka ndodhur pasditen e sotme në rrugën “Bill Clinton” në Prishtinë.

Në aksident janë përfshirë një këmbësor dhe një motoçikletë, ka konfirmuar për Sinjalin Policia e Kosovës.

Si pasojë e këtij aksidenti, këmbësori ka pësuar lëndime trupore dhe i njëjti është dërguar për tretman mjekësor.

“Rreth orës 18:20  kemi pranuar informatën se në rrugën “Bill Klinton” në Prishtinë, ka ndodhur një aksident trafiku me lëndime. Në këtë aksident kanë qenë të përfshirë, një  këmbësor dhe një motoçikletë. Si pasojë e aksidentit lëndime  trupore ka pësuar këmbësori dhe i njëjti është dërguar për tretman mjekësor. Me rastin po merret njësiti i trafikut.”