Vdes gruaja që u godit mbrëmë nga motoçikleta
Policia ka njoftuar se ka vdekur gruaja e cila u godit mbrëmë nga një motoçikletë në Prishtinë.
Rasti i rëndë ndodhi në lagjen Emshir të Prishtinës, ku një motoçikletë përplasi një këmbësore në rrugë, teksa Sinjali publikoi disa pamje nga vendi i ngjarjes.
Viktima është N.L, 68 vjeç.
Njoftimi i plotë:
Vdes një person që u aksidentua mbrëmë në Prishtinë
Mbrëmë në ora 20:25, kemi pranuar informatën se në lagjen Emshir në Prishtinë ka ndodhur një aksident trafiku me lëndime të rënda trupore.
Në këtë aksident, kanë qenë të përfshirë një këmbësore dhe një motoçikletë.
Si pasojë e aksidentit, lëndime të rënda trupore ka pësuar këmbësorja e cila nuk ka arritë të përballojë plagët dhe e njëjta ka ndërruar jetë.
Vdekjen e viktimës N.L, femër, 68 vjeç, e ka konfirmuar sot rreth orës 07:30, ekipi mjekësor në QKUK.
Aktualisht policia ka nisë një hetim për zbardhjen e rrethanave që kanë quar deri te ky aksident trafiku, ndërkohë që ngasësi i motoçikletës është në kërkim nga ana e policisë.
