Arrestohet burri që i sulmoi dy gra në një parking në Prishtinë

Është arrestuar burri, që sulmoi gjatë ditës së sotme, dy gra në një parking në Prishtinë.

I njëjti, pasi është identifikuar, është arrestuar në qytetin e Pejës.

“Ndërmarrja e veprimeve hetimore dhe veprimeve të tjera operative të kryera nga njësiti i hetimeve të stacionit policor Qendra në Prishtinë, ka rezultuar me identifikimin si dhe arrestimin e të dyshuarit. I njëjti u arrestua në orët e pasdites në qytetin e Pejës, si rrjedhojë e bashkëpunimit operativ të zgjeruar”, thuhet në njoftimin e PK-së.

Policia njofton po ashtu se me rekomandimin e prokurorit të shtetit është iniciuar një hetim në drejtim të veprave penale “Sulm’ dhe “Dëmtim apo asgjësim i pasurisë”.