Therje me thikë në Prishtinë, 3 të lënduar

Tre persona janë lënduar mbrëmjen e së mërkurës në Prishtinë te “Rruga B”, pas një përleshje mes disa personave.

Dy pre tyre janë therur me thikë, ndërsa një është lënduar nga mjete që janë përdorë.

Lajmin për teve1.info e ka konfirmuar zëdhënsi Agron Borovci i cili ka thënë se rasti ka ndodhur rreth orës 23:00.

“Të lënduarit janë dërguar në QKUK për trajtimin e nevojshëm mjekësor, Policia në mënyrë aktive ka vijuar punën e saj me veprime të ekzaminimit të vendngjarjes si dhe me veprime të tjera operativo-hetimore, të cilat kanë rezultuar me identifikimin, lokalizimin si dhe kapjen e menjëhershme të tre personave të cilët po ashtu dyshohet të jenë të involvuar në rastin në fjalë” ka thënë ai.

Policia njoftoi se po i vazhdon hetimet mbi rastin.