Man City rikthehet sonte në një ndeshje të rëndësishme në luftë për titull

Gara për titull kampioni në Premier League çdo ditë e më shumë po bëhet më e ‘nxehtë’. Aktualisht me Arsenalin lider, Liverpoolin në vendin e dytë dhe Man City në të tretin.

Skuadra e drejtuar nga Pep Guardiola ka përparësi shumë të madhe, pasi ka dy ndeshje më pak se Arsenali të luajtura dhe nëse i fiton këto dy ndeshje atëherë sërish do të dalë në vendin e parë.

Sonte nga ora 21:00, Man City i shkon Brightonit në Amex Stadium. Brightoni janë në vendin e 11 me 44 pikë.

Brighton në 4 ndeshjet e fundit nuk ka asnjë fitore, por kujtojmë që sezonin e kaluar i ka shfaqë shumë probleme Manchester Cityt. Në Brighton ndeshja kishte përfunduar me rezultat 1-1.

Për Manchester Cityn është shumë me rëndësi titulli i kampionit, pasi ata u eliminuan nga Liga e Kampionëve. Ndërsa tani do të luftojnë vetëm për dy trofe, Premier League dhe Fa Cup.

Sonte ndeshjen mes Brighton dhe Man City mund ta shikoni në Super Sport Kosova 1 dhe Super Sport 2 Albania.