35 vjeçarja tenton të vetëvritet duke pirë domestos
Një ngjarje e rëndë ka ndodhur pasditen e djeshme në qytetin e Gjakovës, ku një grua ka tentuar që t’i japë fund jetës së saj, raporton Gazeta Sinjali.
Burimet e Gazetës Sinjali brenda Emergjencës kanë bërë të ditur se një 35-vjeçare është dërguar atje nga familjarët e saj, pasi kishte nevojë për ndihmë mjekësore.
Sipas burimeve ajo kishte konsumuar një sasi të preparateve higjienike (domestos), me qëllim që të kryejë vetëvrasje.
Stafi mjekësor ka kontaktuar edhe Policinë e Kosovës të cilët kanë dalë në vendin e ngjarjes për të hetuar rrethanat në të cilat ka ndodhur rasti.
Me urdhër të prokurorit, rasti është iniciuar ‘Vetëvrasje në tentativë’.
