Operohet Elton Vllasa i Llapit

Mesfushori, Elton Vllasa e ka përfunduar me sukses operimin e meniskut medial të gjurit.

Pas operimit, Vllasën e kanë vizituar kryetrajneri i ekipit, Tahir Batatina dhe kryetrajneri i ekipit U21, Mehmet Agushi.

Kryetrajneri Batatina i ka ofruar mbështetje Vllasës në këtë sfidë si dhe i ka dëshiruar shërim sa më të shpejtë.

Mesfushori është ndër futbollistët më premtues nga Akademia dhe i njëjti gjatë verës ka firmosur kontratë me ekipin e parë.