Përleshen për një parcelë, arrestohen dy persona

Policia e Kosovës ka njoftuar se ka arrestuar dy persona në Ferizaj për shkak të përleshjes fizike që si shkak ka pasur një parcelë, raporton Gazeta10

Në bazë të komunikatës së policisë, kjo përleshje ka ndodhur në rrugën “Rexhep Bislimi” në Ferizaj. Nga ky incident raportohet se janë dy të lënduar.

Në lidhje me këtë rast kanë filluar hetimet teksa dy të dyshuarit të përfshirë në rast janë dërguar në mbajtje.

Këtu keni komunikatën e plotë:

Të nderuar. (LEXO MË POSHTË)

Në bashkëngjitje të kesaj shkrese keni komunikatën e radhës nga Drejtoria Rajonale e Policisë në Ferizaj.

KOMUNIKATË PËR MEDIA

Arrestohen dy persona për lëndim trupor në Ferizaj

Policia e stacionit në Ferizaj, sot rreth orës 15:00 ka pranuar një informacion se në rrugën ” Rexhep Bislimi” në Ferizaj është një rast të lëndimit  trupor.

Ngjarja kishte ndodhur kur dy personat me inicialet S.A ( M/K) i moshës 35 vjeçar dhe J.A ( M/K) i moshës 30 vjeçar, shkak i një mosmarrëveshje mes dy familjeve të tyre, për një parcelë ( ngastër toke) kishin pësuar lëndime  trupore mes vete nga sulmet fizike, të cilët më pas për ndihmë mjekësore ishin dërguar në Qendrën Emeregjente në Ferizaj.

Në lidhje me këtë policia i ka marr veprimet e nevojshme dhe në rast janë kyçur policët hetues të cilët nën autorizim të Prokurorit kujdestar nga Prokuroria Themelore në Ferizaj i kanë nisur hetimet.

Dy të dyshuarit më pas janë shoqëruar në stacionin e policisë në Ferizajt dhe pas intervistimit nga policët hetues, me vendim të Prokurorit të rastit janë dërguar në mbajtje për 48 orë , për procedura të mëtejme hetimore, ndërsa rasti është cilësuar ” Lëndim trupor”, thuhet në komunikatën e Policisë së Kosovës.