Barcelona të gatshëm për të shkëmbyer lojtar me Newcastle United

Barcelona pritet të ketë një afat kalimtar veror mjaft interesant, me shumë largime dhe me disa transferime. Xavi Hernandez, Joan Laporta e Deco tashmë kanë filluar bisedimet me disa lojtarë.

Një largim nga Barcelona mund të jetë i Andreas Christensen, pavarësisht performancave fantastike të tij si mbrojtës dhe disa herë si mesfushor këtë sezonë. Te Barça e shohin Christensenin si të konsumuar pas nënshkrimit të Guido Rodriguez dhe një pivoti të nivelit të lartë.

Sipas Sport, Barcelona është duke e konsideruar një shkëmbim mes Christensen dhe Aleksander Isak. Barça po e konsideron Isakun si zëvendësues të Robert Lewandowksit, të cilin kontrata i skadon pas sezonit 2025.

Problemi te transferimi i Isak qëndron te Newcastle United të cilët nuk kanë plane ta shesin Isakun.

Kujtojmë që për suedezin interesim ka shfaqur edhe skuadra londineze, Arsenal.