Trajneri i Spurs: Do të provojmë të fitojmë ndaj Manchester City

Tottenhami mund të vendosë indirekt se kush do të shpallet kampion i Premier League për sezonin 2023-24.

Arsenali ndodhet lider i tabelës me 86 pikë, një më shumë sesa Manchester City të cilët kanë një ndeshje më pak të zhvilluar.

Ndeshjen e mbetur ata do ta zhvillojnë të martën (nesër), ku do të udhëtojnë në Londër për t’u takuar me Tottenham.

Duke ditur rivalitetin mes Arsenal dhe Totttenham, shumë tifozë të Spurs kanë kërkuar nga klubi i tyre që të mposhten nga Manchester City, vetëm që rivali i tyre, Arsenali të mos e ketë në duar fatin e titullit në xhiron finale të sezonit, shkruan Sinjali Sporti.

Trajneri i Spurs, kur u pyet sot përpara duelit të nesërm lidhur me këtë, u shpreh se ai nuk mendon që tifozët e klubit të tij do të kërkojnë që të humbasin, duke shtuar se ata do të provojnë të fitojnë këtë ndeshje.

“Ju mendoni se shumica e tifozëve tanë nuk do të duan që ne të fitojmë? Unë nuk e shoh kështu. Mendoj se shumica do të krijojnë atmosferën që ata krijojnë gjithmonë sepse ne kemi një lojë futbolli për të provuar dhe fituar”, ka deklaruar ai.

“Nëse jeni duke shkuar nga mediat sociale, atëherë 99% e tyre do të [dëshirojnë që Spurs të humbasin], por ju lutem mos më thoni se kjo është bota juaj. Nëse është, keni nevojë për këshillim. Unë e kuptoj rivalitetin, por kurrë nuk do ta kuptoj kushdo që dëshiron që ekipi i tij të humbasë”, përfundoi ai.

Në rast se Manchester City triumfon në këtë duel, atëhere do të dilnin si lider me 88 pikë, dy më shumë sesa Arsenali, duke shkuar në xhiron finale të sezonit me fatin në duart e tyre të titullit kampion.

Në rast të barazimit, Man City do të barazohej me pikë me Arsenalit teksa londinezët do ta kishin goldiferencën 3+, çka do të nënkuptonte se Man City do të duhej të fitonte me 3+ gola më shumë se që do të shënonte Arsenali, për ta përmbysur gol-diferencën e Arsenalit dhe shpallur kampion.

Ndërsa opsioni i tretë, një humbje potenciale e Man Cityt, do të nënkuptonte se Arsenali do ta kishte terërisht fatin e tyre në duart e titullit dhe me një fitore potenciale në xhiron finale ndaj Evertonit në Emirates, ata do të shpalleshin kampion.