Të shtëna me armë, qëllohet një veturë në lëvizje

Të shtëna me armë zjarri janë dëgjuar sonte në rrugën “Naser Sekiraqa” në Fushë Kosovë. Nga një veturë në lëvizje dikush ka gjuajtur në drejtim të një veture, raporton Gazeta Sinjali.

Siç mëson Sinjali, i dyshuari ka qëlluar një veturë në të cilën ndodheshin dy viktimat, që shpëtuan pa lëndime nga ky incident.

Në bazë të informacioneve të para, viktimat janë babë e bir, të cilët kërkuan ndihmën e Policisë dhe raportuan detajet e rastit që iu ndodhi.

Lidhur me rastin kanë nisur hetimet në koordinim me Prokurorin e Shtetit, që pritet të zbulojnë motivin dhe rrethanat e tjera.