“Muri i verdhë” pushton Londrën para finales së Ligës së Kampionëve

Real Madridi dhe Borussia Dortmundi do të ballafaqohen sonte në finale të Ligës së Kampionëve.

Ndeshja do të zhvillohet në “Wembley”, duke nisur nga ora 21:00.

Tashmë rrugët e Londrës i kanë vërshyer tifozët e Dortmundit, të cilët duket se do të jenë në numër të madh brenda në stadium.

Ata kanë qenë të zhurmshëm gjatë gjithë sezonit për Dortmundin dhe këtë gjë pritet ta bëjnë edhe sot në ndeshjen më të rëndësishme që luan skuadra e tyre.