Mbappe zyrtarizohet te Reali – Paga dy herë më e lartë se e lojtarëve tjerë

Mbappe tashmë edhe zyrtarisht është lojtari më i ri i Real Madrid.

Ka disa vjet që Reali ka qenë i interesuar për francezin, por ishte Mbappe ai që rinovoi kontratën me Parisin.

Pas dështimeve me Parisin në Ligën e Kampionëve, dështimit me Francën në Botëror dhe dështimit me Francën në Evropian, kur Mbappe humbi penalltinë vendimtare ndaj Zvicrës, koha është për një kapitull të ri.

Sa do të përfitojë Mbappe tek Real Madridi?

Gazeta spanjolle AS ka mësuar se plani i ‘Los Blancos’ është që t’i ofrojnë Mbappes një pagë vjetore prej 25 milionë eurosh, që është dy herë më e lartë se lojtarët me pagat më të lartë në ekip momentalisht.

Sipas burimeve nga klubi spanjoll, David Alaba (10.8 milionë euro) dhe Toni Kroos (10.7 milionë euro) janë lojtarët me pagat më të larta në ekip, me Kroosin që tashmë është pensionuar. Ndërsa pas tyre vjen Jude Bellingham i cili paguhet përafërsisht njësoj me dy të lartpërmendurit.