14 vjeçari nga Podujeva që po shkëlqen në Gjermani

Një talent i ri kosovar është shfaqur në skenën e futbollit gjerman.

Redon Përvetica, një qendërmbrojtës 14-vjeçar nga Podujeva, po tregon aftësitë e tij në skuadrën e kampionëve, Bayer Leverkusen.

Ai tashmë është kapiten i ekipit në grupmoshat U14 dhe ka tërhequr vëmendjen e disa skuadrave gjermane për shërbimet e tij.

Në mënyrë të veçantë, talenti i tij ka bindur stafin e përfaqësueses U15 të Kosovës, duke i dhënë atij një ftesë për të përfaqësuar vendin e tij në skenën ndërkombëtare të futbollit.

Kjo është një tjetër shenjë e talentit të fuqishëm që vjen nga futbolli i Kosovës dhe që po gjen shprehje në nivelet e larta të sportit botëror./PodujevaSot