Telefonata nga Ismet Munishi që ndryshoi karrierën e Arbër Hoxhës

Arbër Hoxha është njëri nga lojtarët më të talentuar në Kombëtaren e Shqipërisë. Ai para disa vjetësh ishte rezervist në skuadrën e Prishtinës.

Një telefonatë nga trajneri i Ballkanit në atë kohë, Ismet Munishi, ndryshoi gjithçka. Hoxha u transferua te skuadra e Ballkanit, duke u bërë njëri nga lojtarët më të rëndësishëm për skuadrën nga Suhareka.

Trajneri Munishi pa talentin e tij dhe e riktheu Hoxhën në formën më të mirë. Arbër Hoxha më pas u transferua në Superligën e Kroacisë.

Tani, Hoxha është kampion me skuadrën e Dinamo Zagreb në Superligën e Kroacisë. Ai është pjesë e listës së Shqipërisë për Euro 2024. Hoxha në dy ndeshjet miqësore që zhvilloi kishte paraqitje mjaft të mira.

Vlera e 25 vjeçarit pritet të rritet edhe më shumë pas Evropianit.