Pamje të reja nga aksidenti i rëndë në Podujevë (FOTO)
Një aksident trafiku ka ndodhur sot në rrugën Prishtinë – Podujevë ku kanë qenë të përfshira katër automjete.
Si rezultat i këtij aksidenti, tre persona kanë marrë lëndime trupore.
Lajmin për Sinjalin e ka konfirmuar zëdhënësja e policisë për rajonin e Prishtinës, Flora Ahmeti.
“Sot rreth orës 07:00 kemi pranuar informatën se në rrugën Prishtinë – Podujevë, ka ndodhur një aksident trafiku me lëndime. Në këtë aksident kanë qenë të përfshira katër automjete. Si pasojë e aksidentit lëndime trupore kanë pësuar tre persona”, tha Ahmeti.
Me rastin po merret hetuesia nga njësiti i trafikut rrugor.
