Mërgimtari dhuron 5 kompjuterë për shkollën teknike në Podujevë

Shkolla teknike në Podujevë u pasurua me një donacion të rëndësishëm nga mërgimtari nga Kanada, Zejadin Dedinca.

Dedinca dhuroi 5 kompjuterë për shkollën teknike, të cilët do të përdoren nga nxënësit në kabinetet mësimore të Teknologjisë Informative.

Ky akt bujar do të ndihmojë nxënësit të kenë qasje më të mirë në teknologji dhe do të përmirësojë cilësinë e mësimdhënies dhe mësimnxënies në këtë shkollë.

Kompjuterët do të mundësojnë zhvillimin e aftësive digjitale të nxënësve dhe do t’u japin atyre mundësi të reja për të mësuar dhe hulumtuar.