Të shtëna me armë zjarri, qëllohet një veturë nga dy anët e rrugës
![](https://podujevasot.net/wp-content/uploads/2024/06/policia-1024x458.jpg)
Të shtëna me armë zjarri janë dëgjuar sonte në fshatin Siqevë të Prishtinës, raporton Gazeta Sinjali.
Sinjali ka mësuar se një person është qëlluar teksa ishte në veturë nga dy anët e rrugës nga së paku dy persona të dyshuar.
Bazuar në informacionet e para, viktima nuk është plagosur dhe ka kërkuar menjëherë ndihmë nga Policia.
Si rezultat, njësitë përkatëse kanë intervenuar në vendin e ngjarjes dhe kanë arritur të gjejnë gjashtë gëzhoja – që u sekuestruan si prova materiale.
Të njëjtat burime kanë thënë për Sinjalin se viktima në dëshminë e tij të dhënë para hetuesve policorë ka deklaruar se vetëm njërin nga të dyshuarit ka arritur ta njoh – emrin e të cilit e ka zbuluar në Polici.
Pas përfundimit të procedurave, Prokurori i Shtetit ka urdhëruar inicimin e rastit dhe ndërmarrjen e veprimeve hetimore për kapjen e të dyshuarve për këtë rast të tentim vrasjes