Vjedhje e rëndë në këtë fshat të Podujevës
Një fenomen mjaft shqetësues për qytetarët e Kosovës janë bërë vjedhjet e shpeshta nëpër banesa, shtëpi, institucione financiare, vetura e dyqane, duke shkaktuar humbje e pasiguri.
Një rast i tillë, ka ndodhur gjatë mesnatës në një shtëpi në fshatin Bajqinë të komunës së Podujevës, raporton Gazeta Sinjali.
Burimet brenda Prokurorisë kanë bërë me dije se rasti është denoncuar nga pronari i shtëpisë, i cili ka deklaruar në Polici se hajnat kanë depërtuar brenda me forcë, me ç’rast kanë vjedhur mbi 5 mijë funta angleze dhe stoli ari.
Në bazë të dëshmisë së pronarit të dhënë para hetuesve policorë, familja nuk ka qenë në shtëpi kur ka ndodhur vjedhja, periudhë kjo që është shfrytëzuar nga hajnat.
Me vendim të prokurorit, rasti është iniciuar ‘Vjedhje e rëndë’.
