Spektakli i Evropianit vazhdon edhe sonte me dy ndeshje interesante
Spanja dhe Franca është gjysmëfinalja e parë e Euro 2024, ndërsa sonte do të mësohet edhe gjysmëfinalja e dytë.
Nga ora 18:00, Zvicra përballet me Anglinë, ndërsa nga ora 21:00, Holanda përballet me Turqinë.
Fituesit e këtyre dy ndeshjeve përballen mes vete në gjysmëfinale të Euro 2024 që po mbahet në Gjermani.
Kujtojmë që gjatë ditës së djeshme, Spanja eliminoi Gjermaninë pas vazhdimeve, ndërsa Franca eliminoi Portugalinë pas ekzekutimit të penalltive.
Ndeshja gjysmëfinale Francë – Spanjë luhet të martën nga ora 21:00, ndërsa të mërkurën përballen Holandë/Turqi – Zvicër/Angli, ndeshje që gjithashtu fillon në ora 21:00.
