Aksident trafiku, 3 të lënduar (FOTO)
Një aksident trafiku ka ndodhur mëngjesin e sotëm në rrugën nacionale Prishtinë-Pejë, fshati Komoran.
Lajmin e ka bërë të ditur Policia e Kosovës, ku kanë dhënë detaje për rastin.
Në aksident janë përfshirë tre vetura, në mesin e tyre një autobus, teksa tre persona kanë kërkuar ndihmë mjekësore.
Për të zbardhur detajet se si erdhi deri te aksidenti, me rastin po merret njësia përkatëse e policisë.
