Podujevë: Shpërndahen 9 mijë kg mish nga Shoqata Bereqeti

Shoqata Bereqeti Dega – Podujevë, në kuadër të Këshillit të Bashkësisë Islame së Podujevës, ka shpërndarë 9000 kilogramë mish për familjet në nevojë dhe me asistencë sociale në komunën e Podujevës.

Kjo nismë e rëndësishme u realizua me sukses falë përkrahjes së Shoqatës Bereqeti në qendër dhe bashkëpunimit të ngushtë me imamët e komunës së Podujevës.

Aksioni përfshiu gjithashtu bashkëpunim me organizata të ndryshme që veprojnë në këtë komunë, përfshirë Hendikos, Shoqatën e Veteranëve të Luftës, përfaqësuesit e komuniteteve REA, Eko Llapi, punëtorët e pastrimit dhe të tjerë.

Nga kjo shpërndarje përfituan rreth 1500 familje, secila duke marrë nga 5 kg ose 10 kg mish, varësisht nga numri i anëtarëve të familjes.

Ky aksion është një shembull i shkëlqyer i solidaritetit dhe ndihmës për ata që kanë më shumë nevojë, duke treguar rëndësinë e bashkëpunimit ndërmjet institucioneve dhe organizatave të ndryshme për të mirën e përbashkët të komunitetit.