Jasharaj paralajmëron për greva

Kryetari i Sindikatës së Arsimit, Rrahman Jasharaj, ka shprehur pakënaqësitë e tij sa i përket mungesës së teksteve shkollore, ku edhe ka përmendur se mund të ketë greva.

Ndër të tjera, Jasharaj thotë se pakënaqësitë e mësimdhënësve janë rritur, transmeton Klankosova.tv.

“Nagavci duhet ta pranoj këtë gabim e mos ta përsëris më. Por prapë nëse do të vazhdojnë në këtë mënyrë, shtatori do të jetë me mungesa të teksteve, mund të ketë edhe grevë sepse pakënaqësitë e mësimdhënësve janë rritur e dialog me Sindikata s’po ka”, u shpreh Jasharaj për FronOnline.

Po ashtu, kreu i Sindikatës për Arsim, thotë se kanë insistuar që tradita për tekste të shkollave falas të vazhdojë.

“Vendimi i MASHT-it është kritikuar për mënyrën e re për furnizim me libra për nxënësit, kemi insistuar të vazhdoj tradita e kaluar që tekstet të jenë gratis dhe të dërgohen në Komuna e pastaj në shkolla e mësimdhënësit të merren me shpërndarjen e tyre”, tha ai.