Arrestohet ‘Nazmi Bio Mulaku’ që pretendon se është mjek popullor

Policia e Kosovës ka arrestuar sot Nazmi Mulakun, që njihet si ‘Nazmi Bio Mulaku” i cili në rrjetet e tij sociale pretendon se është mjek popullor dhe se shëron disa sëmundje.

Ai dhe një person tjetër janë arrestuar nën dyshimet për veprat penale “Ushtrimi i kundërligjshëm i veprimtarisë mjekësore ose farmaceutike“ dhe “Mashtrimi”.

“Prokuroria Themelore në Mitrovicë, njofton opinionin se janë arrestuar në Vushtrri dy persona me iniciale N.M,. dhe P.I., me dyshimin se kanë kryer veprat penale “Ushtrimi i kundërligjshëm i veprimtarisë mjekësore ose farmaceutike“ nga neni 256 i KPRK dhe “Mashtrimi” nga neni 323 i Kodit Penal të Republikës së Kosovës.

Kujtojmë se videot e tij janë shpërndarë me të madhe në rrjete sociale, ku ai shihet gjoja me pacientë, të cilët i shëron nga sëmundje të ndryshme.