Akullore me përbërje kancerogjene në Shqipëri
AKU ka reaguar lidhur me dyshimet se në Shqipëri janë shitur akullore me përbërje kancerogjene.
Me anë të një njoftim zyrtar AKU thotë se ka kryer verifikimet e sasisë të importuar si dhe ka nisur inspektimin në operatorë të biznesit ushqimor me qëllim ndjekjen e gjurmueshmërisë së produktit dhe tërheqjen nga tregu dhe asgjësimin e tij.
“Brenda periudhës 7 ditore nga marrja e njoftimit, është kryer inspektimi në subjektet respektive dhe më pas është bllokuar dhe asgjësuar e gjithë sasia e këtij produkti”, informoi AKU.
Sipas raportit të KLSH, rezulton se janë konsumuar 13.2 ton akullore me oksid etileni nga 17,5 ton akullore që u blenë në total.
