Përleshje në Zvicër – Lëndohet një kosovar, arrestohet një serb

Një përleshje mes disa personave raportohet të ketë ndodhur në orët e para të ditës së sotme në Zvicër, konkretisht në Gosgen në kantonin e Solothurnit.

Si pasojë dy persona kanë mbetur të lënduar nga ngjarja, njëri nga ta rëndë.

Siç njofton policia, viktimat janë një 35 vjeçar nga Kosova dhe një 48 vjeçar australian.

Pas trajtimit fillestar, dy të lënduarit janë dërguar në spital.

Policia dhe prokuroria publike kanë nisur hetimet dhe janë në kërkim të dëshmitarëve që mund të jenë në dijeni dhe bashkëpunojnë lidhur me rastin.