4 milionë euro për Pishinën gjysmëolimpike në Podujevë

Sot është nënshkruar memorandum mirëkuptimi për financimin e projektit të Pishinës gjysmëolimpike në Podujevë.

Kryetari i Komunës, z.Shpejtim Bulliqi, ka thënë me këtë rast se sot është bërë edhe hapi i radhës drejt finanlizimit të këtij projekti që kap vlerën e 4 milionë eurove.

“I lumtur që sot e bëmë hapin e madh drejt finalzimit të një projekti tjetër të madh në vlerë prej 4 milionë eurove siç është Pishina gjysmëolimpike.
Pas vendimit për caktimin e lokacionit kohë me parë dhe hartimit të projektit, sot në Ministrinë e Kulturës, Rinisë dhe Sportit nënshkruam memorandumin e mirëkuptimit për bashkëfinancimin e këtij projekti aq të nevojshëm për sportdashësit dhe ata që e duan notin”, është shprehur kryetari Bulliqi.

Sipas këtij memorandumi të mirëkuptimit, Ministria e Kulturës, Rinisë dhe Sportit do të financojë 3.5 milionë euro, kurse Komuna e Podujevës 500 mijë euro.

Projekti përfashinë pishinën kryesore, pishinën për fëmijë dhe hapësirën e gastronomisë.

Sipas kryetarit Bulliqi, kjo Pishinë përveçqë do të bëhet adresa ku do të zhvillohen gara ndërkombëtare e vendore në not, ajo do të mund të shfrytëzohet edhe për stërvitjen e sportistëve dhe rekreacion nga qytetarët e Podujevës.

Projekti është trevjeçar dhe përshin vitet 2024, 2025 e 2026.