Kryeministri e nis mbledhjen e qeverisë duke folur për Faton Hajrizin
Kryeministri i Kosovës, Albin Kurti, mbledhjen e qeverisë e ka nisur duke folur për rastin e vrasjes së Faton Hajrizit.
Ai tha se në lidhje me këtë, institucionet e Kosovës janë përpjekur maksimalisht që në vazhdimësi të trasmetojnë informata zyrtare, dhe poashtu përmendi krahasimin e gjurmëve që janë bërë së fundmi nga Agjencia për Forenzikë.
“Së fundmi përmes Ministrisë së Punëve të Jashtme jemi informuar nga Drejtoria e Bashkëpunimit Ndërkombëtar të Policsë së autoritet serbe më 22 korrik kanë dërguar shenjat e gishtërinjve të një personi. Të njëjat shenja së bashku me shenjat e gishtërinjve të Faton Hajrizit janë përcjell në Agjencinë e Kosovës për Forenzikë ku pas krahasimit, është pranuar përgjigja se këto gjurmë i përkasin qytetarit të raportuar si i vrarë. Ministria e Punëve të Brendshme dhe Policia e kanë përcell me vëmendje çdo hollësi dhe Ministria e Drejtësisë dhe ajo e Jashtme janë angazhuar dhe kanë informuar”, tha Kurti, njofton Klankosova.tv.
Më tej, Kurti tha se vrasja e Hajrizit kërkon një hetim vendor dhe ndërkombëtar.
“Megjithkëtë, sqarimi i rrethanave që nga ikja në drejtim të Serbisë e deri të vrasja e tij e raportuar kërkon një hetim vendor dhe ndërkombëtar”, tha ia, njofton Klankosova.tv.
