Kuka: Jam i përmbushur, të gjitha medaljet janë për Kosovën e popullin shqiptar

Trajneri i ekipit të xhudos, Driton Kuka, ka thënë se është i përmbushur, pasi Laura Fazliu fitoi medaljen e pestë olimpike.

Kuka u shpreh se Laura nuk ishte në ditën e saj më të mirë, por dëshira e madhe për medalje e shtyu të luftojë edhe më shumë, raporton Indeksonline.

“Një vajzë që ka ardhë, ka sakrifiku si fëmijë. Në moshën 14 vjeçare është nda prej familjes dhe sot, pas 10 viteve, po i kurorëzohet ëndrra e saj dhe e imja, që të kemi medalje nga një qytet tjetër i Kosovës. Në fakt, të gjitha medaljet janë për Kosovën, për mbarë popullin shqiptar” u shpreh mes të tjerash Kuka.

Në garën e xhudos ka mbetur edhe Loriana Kuka, e cila po ashtu synon medalje në Lojërat e sivjetme Olimpike, që për të janë debutuese.